اردوئے معلیٰ

Search

بے اصولی اصول ہے پیارے

یہ تری کیا ہی بھول ہے پیارے

 

کس زباں سے کروں یہ عرض کہ تو

پرلے درجے کا فول ہے پیارے

 

واہ یہ تیرا زرق برق لباس

گویا ہاتھی کی جھول ہے پیارے

 

تو وہ گل ہے کہ جس میں بو ہی نہیں

تو تو گوبھی کا پھول ہے پیارے

 

مجھ کو بلوائیو ڈنر کے بعد

عرض میں میری طول ہے پیارے

 

کیا ملا تو جو دل سے دل نہ ملا

ٹھیک بیٹھے تو چول ہے پیارے

 

لق لقا ہوش ، موڑ سے بچ جا

سامنے اک سکول ہے پیارے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ