تخلیقِ دو عالَم کا سبب سیّدِ عالَم
تجھ سا نہ کوئی عالی نسب سیّدِ عالَم
انساں ہی نہیں صرف ‘ ترے نور کے آگے
جھکتے ہیں ملک بہر ادب سیّدِ عالَم
کرتے گئے انساں کو حقیقت سے شناسا
کھلتے گئے جب جب ترے لب سیّدِ عالَم
سائل کو نہ تھی جنبشِ لب کی کوئی حاجت
کی پوری کچھ اس طور طلب سیّدِ عالَم
ٹوٹے ہوئے کچھ لفظ ہیں بہتے ہوئے آنسو
توصیف کا مجھ کو نہیں ڈھب سیّدِ عالَم
اب چہرئہ انور سے ہٹا دیجیے پردہ
بندہ ہے ترا جان بلب سیّدِ عالَم
حسّانؓ کے ہمراہ میں چلے خلد کو ازہرؔ
یوں اس پہ عنایت ہو عجب سیّدِ عالَم
