اردوئے معلیٰ

Search

تذکرہ آپ کی سیرت کا بھلا لگتا ہے

زندگی کے لیے رحمت کا دیا لگتا ہے

 

مل گیا آپ کی مدحت کا جو اعزاز مجھے

نعت گوئی کا شرف رب کی عطا لگتا ہے

 

حسن طیبہ کے نظاروں کا بیاں ہو کیسے

ذرہء ریگ یہاں خاکِ شفا لگتا ہے

 

شاہِ طیبہ کا کرم شاملِ احوالِ گدا

لب سے جو حرف بھی نکلا ہے ثنا لگتا ہے

 

میری طیبہ سے ہے الفت کی کرامت زاہدؔ

سانگلہ ہل بھی مدینے میں بسا لگتا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ