اردوئے معلیٰ

Search

ترے لطف کا سلسلہ یا الٰہی

رہے ساتھ میرے سدا یا الٰہی

 

کھلیں میری باتوں سے کلیاں دلوں کی

بنا دے مثالِ صبا یا الٰہی

 

کوئی وقت ہو ، کوئی لمحہ ، کوئی پل

ہو محبوب تیری رضا یا الٰہی

 

دکھا دے دکھا دے ہمیں بھی دکھا دے

درِ پاکِ خیر الوریٰ یا الٰہی

 

سلامت رہے دل میں حبِ شہ دیں

یہی ہے فقط اک دعا یا الٰہی

 

مری شاخِ امید پر بہرِ زہرا

کھلا دے گلِ مدعا یا الٰہی

 

مجیبِؔ حزیں کو بھی اپنا بنا لے

برائے شہِ انبیا یا الٰہی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ