توں چین کدی بن کے دل وچوں گزر جاندا
دل پیر ترے چم کے بن مست نگر جاندا
توں ساقی دے نیناں دی کیہ مستی دا پچھنا ایں
اک وار جو پیندا اے بن اوہی خضر جاندا
کیہ چس اے کھلوون دی محبوب دے بوہے تے
اک پل میں کھلوواں کر صدیاں دا سفر جاندا
لکھ شکر ترا میرے لجپال دیا دردا
جے توں نہ کدی اوندوں پھر کتھے جگر جاندا
جا عقل دے مفتی نوں دس عشق دا ایہ فتویٰ
جو آپ دے در جاندا اوہ حق دے نگر جاندا
سرکار دی عظمت دا جبریل توں پچھ جا کے
پر اوس دے سڑ جاندے جے آپ مگر جاندا
دل نال ادب کہندا اعجازؔ کیہ جاندا سی
سردار جے رعیت نوں اک مار نظر جاندا
