اردوئے معلیٰ

Search

ثنائے مصطفیٰ سے ہو گیا دل کا مکاں روشن

محبت مل گئی ان کی ہوا میرا جہاں روشن

 

سجائی آج گھر میں آپ کے میلاد کی محفل

پڑھا صلِ علیٰ جب، ہو گئی میری زباں روشن

 

گھڑی معراج کی آئی تو پھیلا نور ہر جانب

سواری آپ کی گزری ہوئی ہے کہکشاں روشن

 

برستی ہے کرم کے شہر میں انوار کی بارش

اسی سے ہو گئے سارے زمین و آسماں روشن

 

در و دیوار سے بھی پھوٹتی ہیں نور کی کرنیں

کہ مصدر ہے یہاں پیارے نبی کا آستاں روشن

 

ہمارے مصطفیٰ جب آمنہ کی گود میں آئے

سنا ہے ناز نے اس دم ہوا سارا جہاں روشن

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ