اردوئے معلیٰ

Search

جو ایک باس گھنے جنگلوں میں آتی ہے

وہی مہک سی تری گیسوؤں میں آتی ہے

 

یہ المیہ ہے کہ میں جس پہ خوب ہنستا ہوں

کہ اس کو نیند مرے بازوؤں میں آتی ہے

 

گزر گئی ہے پھر اک اور رات سوچتا ہوں

جو روشنی سی کبھی روزنوں میں آتی ہے

 

شکست، کرب، ندامت، خجالتیں، وحشت

یہ ایک جان بڑی مشکلوں میں آتی ہے

 

تو اپنا درد کا ترکش سکوں سے خالی کر

مجھے بھی موت کئی مرحلوں میں آتی ہے

 

یہ اتفاق ہے اب تیری شکل میں آئی

شکست ورنہ کئی صورتوں میں آتی ہے

 

لہو کا ذائقہ اپنا بھی خوب ہوتا ہے

عجب مٹھاس سی جیسے لبوں آتی ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ