اردوئے معلیٰ

Search

جہاں ، جہاں بھی نبی کی ثنا کی بات چلی

وہاں ، وہاں پہ خدا کی عطا کی بات چلی

 

دل و نگاہ کے اجڑے چمن بھی کِھل اُٹھے

بہارِ خلد نشاں جب صبا کی بات چلی

 

میرے لبوں پہ درود و سلام جاری ہوا

نبی کے ساتھ جب آلِ عبا کی بات چلی

 

مرے نبی کی شفاعت سے میری بات بنی

بروزِ حشر میری جب خطا کی بات چلی

 

سب اہلِ حق نے لٹائی تھی جان کربل میں

جب آلِ سیّدِ دیں سے وفا کی بات چلی

 

خدا کی کس میں رضاؔ ہے جو پوچھا اے یارو!

کلامِ پاک میں اُن کی رضا کی بات چلی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ