اردوئے معلیٰ

Search

حضور آپ کا اسوہ جہانِ رحمت ہے

زمانہ آپ کا سارا زمانِ رحمت ہے

 

زہے نصیب! میں کہتا ہوں آپ کی نعتیں

مری زباں سےیہ مدحت بیانِ رحمت ہے

 

حضور مجھ پہ کرم آپ کا رہےہر دم

کہ مجھ پہ سایہ فگن آسمانِ رحمت ہے

 

بہار آپ کے دم سے ملی یہاں سب کو

حضور آپ کی آمد جہانِ رحمت ہے

 

ملے نجات مصائب سے آقا، زاہدؔ کو

کہ ذات آپ کی اک سائبانِ رحمت ہے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ