اردوئے معلیٰ

Search

درود آپ لئی اے سلام آپ لئی

ہے کائنات دا جو وی نظام آپ لئی

 

براق لے کے تے جبریلؑ آ گیا در تے

ملن لئی عرش توں آیا پیام آپ لئی

 

اُچا وی بولنے دی نئیں اجازت آپ اگے

مؤدّت آل لئی ، احترام آپ لئی

 

ایہ قِبلَتین دی مسجد پئی مینوں آکھدی اے

ہے عاشقاں دا رکوع و قیام آپ لئی

 

نگاہ آپ دے دیدار لئی بنائی گئی

زبان آپ دے لئی اے کلام آپ لئی

 

جدوں دا شمس قمر نے تساں نوں ویکھیا اے

طواف کردے نیں ایہہ صبح شام آپ لئی

 

نبی وی حشر نوں سارے ای کہن گے لوگو

ہے بخششاں دا کُھلا فیضِ عام آپ لئی

 

حضور لوک مدینہ مدینہ آکھدے نیں

ترس رئے نیں ایہہ سارے عوام آپ لئی

 

حضور اپنے کرم دا اعزاز بخش دیو

مجیدؔ آیا اے بن کے غلام آپ لئی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ