اردوئے معلیٰ

رحمت کا اِک جہان ہے کوچہ حضور کا

رِفعت کا آسمان ہے کوچہ حضور کا

 

دُنیا میں رنگ و نور کی روشن مثال ہے

خوشیوں کا پاسبان ہے کوچہ حضور کا

 

بہرِ گناہ گار ہے بخشش کا راستہ

خُلدِ بریں کی جان ہے کوچہ حضور کا

 

راحت، سکون، امن و اماں، بندگی کا حُسن

جود و سخا کی کان ہے کوچہ حضور کا

 

وہ دِل تو خوش نصیب ہدایت کا ہے نگر

جس دِل کا میزبان ہے کوچہ حضور کا

 

سب عاصیوں کے سر پہ رضاؔ غَم کی دھوپ میں

راحت کا سائبان ہے کوچہ حضور کا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات