اردوئے معلیٰ

سعادت پائی جب ’’عشقِ نبی ‘ کے ناز اُٹھانے کی

شفیق احمدؒ نے کی کوشش بہت خود کو چھپانے کی

 

کہاں ممکن ہے پر، ستاریٔ پیہم خزانے کی

بہت حسرت تھی ان کو گھر مدینے میں بسانے کی

 

سو آقا نے اجازت بخش دی طیبہ میں آنے کی

مدینے کی فضا میں رہ کے پیہم مسکرانے کی

 

حسیں ماحول کی نورانیت سے حظ اُٹھانے کی

شفیق احمدؒ پہ پھر پڑنے لگیں نظریں زمانے کی

 

جو خواہش تھی یمِ عشقِ نبی میں ڈوب جانے کی

ملی فرـصت بھی سنگِ دل کو آئینہ بنانے کی

 

پھر آئی ساعت اک ان پر حسیں وعدہ نبھانے کی

الستُ کی صدا پر نعرۂ ’’یاہو‘‘ لگانے کی

 

تو پرواز عرش تک پھر آپؒ کی فکرِ رسا نے کی

ہوئی تقریب یوں الفت کے کچھ نغمات گانے کی

 

بڑی مہلت ملی آقا کو حالِ دل سنانے کی

اجازت پائی آقا سے، وہیں بسنے بسانے کی

 

بقیعِ پاک میں آرام گہہ اپنی بنانے کی

کہی اکبرؔنے احسنؔ بات یہ کتنی، ٹھکانے کی

 

’’نگاہیں کاملوں پر پڑ ہی جاتی ہیں زمانے کی

کہیں چھپتا ہے اکبرؔپھول پتوں میں نہاں ہوکر‘‘

 

منقبت (تضمین بر شعرِ اکبرؔ الٰہ آبادی)
یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات