اردوئے معلیٰ

Search

سمجھو کہ ہجرت کے طلسمات میں گم ہیں

ہم لوگ وفاؤں کے تضادات میں گم ہیں

 

رستوں میں نہیں سات سمندر کی یہ دوری

یہ سات سمندر تو مری ذات میں گم ہیں

 

ہم لے کے کہاں جائیں محبت کا سوال اب

دل والے بھی اپنے ہی مفادات میں گم ہیں

 

کشکولِ انا کو بھی چٹختا کوئی دیکھے

سب اہلِ کرم لذتِ خیرات میں گم ہیں

 

الفاظ دریچے ہیں جو کھلتے ہیں دلوں میں

معنی مرے سامع کے خیالات میں گم ہیں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ