شاعر اختر انصاری دہلوی کا یوم وفات

آج ممتاز ترقی پسند شاعر، افسانہ نگار اور نقاد اختر انصاری دہلوی کا یوم وفات ہے۔

 

اختر انصاری یکم اکتوبر 1909ء کو بدایوں میں پیدا ہوئے اور 6 اکتوبر 1988ء کو علی گڑھ میں وفات پائی۔
ان کے والد نے ریٹائرمنٹ کے بعد دہلی میں مستقل طور پر سکونت اختیار کر لی تھی ، اس لئے اختر انصاری نے دہلی میں ہوش سنبھالا ۔ اینگلو عربک اسکول میں تعلیم حاصل کی۔ دہلی یونیورسٹی سے بی اے کیا اور علی گڑھ مسلم یونیورسٹی سے بی ٹی کرنے کے بعد یونیورسٹی اسکول میں انگریزی کے استاد بن گئے۔ اس دوران اردو ادب کا مطالعہ بھی جاری رہا ، 1947 میں علی گڑھ یونیورسٹی سے اردو ادب میں ایم اے کیا۔ بعد ازاں مسلم یونیورسٹی ٹریننگ کالج میں لیکچرر ہو گئے۔
۔۔۔۔۔۔۔۔۔
یہ بھی پڑھیں : معروف شاعر سید فیاض علی زیدی کا یوم وفات
۔۔۔۔۔۔۔۔۔
اختر انصاری نے ترقی پسند نظریات کو عام کرنے اور اسے ایک تنقیدی، فکری اور سائنسی بنیاد فراہم کرنے میں اہم کردار ادا کیا۔ ان کی شاعری، تنقید اور افسانے اسی جدوجہد کا اعلامیہ میں۔ شاعری میں اخترانصاری قطعہ نگار کی حیثیت سے زیادہ مشہور ہیں۔
ان کی تصانیف میں’نغمۂ روح‘، ’ آبگینے‘، ’خوناب‘، ’ تنقیدی شعور‘، ’روحِ ادب‘، ’روحِ عصر‘، ’سرودِ جاں‘، ’ ٹیڑھی زمین‘ اور ’شہرِ غزل‘ ، ’اندھی دنیا اور دوسرے افسانے‘ ، ’ نازو اور دوسرے افسانے‘ (افسانے) ’حالی اور نیا تنقیدی شعور‘ ، ’ افادی ادب‘ (تنقید) وغیرہ شامل ہیں۔
اختر انصاری دہلوی کے کچھ اشعار
۔۔۔۔۔۔۔
یادِ ماضی عذاب ہے یا رب
چھین لے مجھ سے حافظہ میرا
۔۔۔۔۔۔۔
اس میں کوئی مرا شریک نہیں
میرا دکھ آہ صرف میرا ہے
۔۔۔۔۔۔۔
روئے بغیر چارہ نہ رونے کی تاب ہے
کیا چیز اف یہ کیفیتِ اضطراب ہے
۔۔۔۔۔۔۔۔۔
یہ بھی پڑھیں : چودہ اکتوبر کے نام
۔۔۔۔۔۔۔۔۔
ہاں کبھی خواب، عشق دیکھا تھا
اب تک آنکھوں سے خوں ٹپکتا ہے
۔۔۔۔۔۔۔
اپنی اجڑی ہوئی دنیا کی کہانی ہوں میں
ایک بگڑی ہوئی تصویر جوانی ہوں میں
۔۔۔۔۔۔۔
وہ ماضی جو ہے اک مجموعہ اشکوں اور آہوں کا
نہ جانے مجھ کو اس ماضی سے کیوں اتنی محبت ہے
یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

ممتاز شاعر مولانا چراغ حسن حسرت کی برسی
ممتاز شاعر حمایت علی شاعر کا یومِ پیدائش
معروف مرثیہ گو شاعر نجم آفندی کا یوم وفات
معروف مصنف اور شاعر عقیل عباس جعفری کا یوم پیدائش
معروف شاعر , صوفی حضرت واصف علی واصفؒ کا یوم وفات
مشہور و معروف شاعرہ اداؔ جعفری کا یوم پیدائش
پنجابی زبان کے نامور شاعر اور فلمی نغمہ نگار وارث لدھیانوی کا یوم وفات
معروف شاعر اور نقاد احمد صغیر صدیقی کا یوم وفات
معروف ادیب سید الطاف علی بریلوی کا یوم وفات
معروف شاعر اثر بہرائچی کا یوم پیدائش

اشتہارات