اردوئے معلیٰ

Search

شعور و آگہی، فکر و نظر دے

خداوندا مجھے اپنی خبر دے

 

تری رحمت کے بادل کھل کے برسیں

مری آہوں، دعاؤں میں اثر دے

 

ہیں جن پر کوہِ غم ٹوٹے خدایا

کرم کی اک نظر اُن پر بھی کر دے

 

خداوندا حرم تک میں بھی جاؤں

عطا کر بال و پر، اذنِ سفر دے

 

ترے محبوب کے در کا گدا ہوں

کرم فرما، مرا کشکول بھر دے

 

میں مانگوں عشق محبوبِ خدا کا

تُو مجھ کو سیم و زر نہ کرّوفر دے

 

فروزاں ہو جو اُن کے نقشِ پا سے

ظفرؔ کو یا خدا! وہ رہگزر دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ