محشر میں دی فرشتوں نے داور کو یہ خبر

 

محشر میں دی فرشتوں نے داور کو یہ خبر

ہندو ہے ایک احمد مرسل کا مدح گر

 

ہے بت پرست گرچہ وہ، لیکن ہے نعت گو

احمد کی نعت لکھتا ہے دنیا میں بیشتر

 

ہے نام دلو رام، تخلص ہے کوثری

لے جائیں اس کو خلد میں یا جانب سقر

 

سنتے ہی یہ ملائکہ سے اک انوکھی بات

فرمایا ذوالجلال نے جنت ہے اس کا گھر

 

اللہ اکبر، احمد مرسل کا یہ لحاظ

کی حق نے لطف کی سگ دنیا پہ بھی نظر

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ