اردوئے معلیٰ

Search

 

مرے دل میں بہت مدت سے ارمانِ مدینہ ہے

سجے ہیں اشک آنکھوں میں کہ جیسے آبگینہ ہے

 

گھرا ہوں گردشِ طوفانِ عصیاں میں،مرے آقا

ہے بحرِ بیکراں طغیانی ہے میرا سفینہ ہے

 

غبارِ راہِ طیبہ ہے عقیدت کا حسیں محور

جبینِ شوق کی منزل درِ شاہِ مدینہ ہے

 

عقیدت کے سوا افکار کا حاصل نہیں کچھ بھی

ختن کے مشک سے بھی بڑھ کے آقاکا پسینہ ہے

 

کرم شاہِ مدینہ کا ہوا ہے میری ہستی پر

مرے مرشد سے جاری مجھ کو فیضانِ مدینہ ہے

 

سدا منظرؔ رہے مصروفِ نعت و مدحِ سرور میں

محبت کے قرینوں میں سخن بھی اک قرینہ ہے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ