اردو معلی copy
(ہمارا نصب العین ، ادب اثاثہ کا تحفظ)

نُورِ مدحت سے مرا قلب منور رکھنا

 

نُورِ مدحت سے مرا قلب منور رکھنا

مدحِ سرکارؐ سے لہجے کو معنبر رکھنا

 

تیرے محبوبؐ کو آقائی ہے زیبا مالک

مجھ کو ہر وقت غلامی پہ مقرر رکھنا

 

چند لمحوں کی جدائی بھی اگر ہو لازم

فرقتِ سرورِ کونینؐ موخر رکھنا

 

کوئی لمحہ نہ رہے ذکرِ نبیؐ سے خالی

جانِ عالم کے تصور سے معطر رکھنا

 

سبز و شاداب رہے یادِ نبیؐ کا گلشن

نخلِ افکار کو یاربّ مرے مثمر رکھنا

 

کوئی مشکل مجھے درپیش ہو جب بھی مولا !

یا الہیٰ مجھے منصور و مظفر رکھنا

 

آلِ اطہارؓ سے وابستگی تا عمر رہے

دل میں اشفاقؔ کے تو اُلفتِ شبرؓ رکھنا

 

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

یا رب عظیم ہے تو
دُور کر دے مرے اعمال کی کالک‘ مالک!
نشاں اسی کے ہیں سب اور بے نشاں وہ ہے
مرا ستّار ہے، میرا خُدا ہے
دیکھوں جدھر بھی تیرا ہی جلوہ ہے رُو برُو
کرے انساں جو انساں سے بھلائی
خدا کے نُور سے روشن جہاں ہیں
عظیم المرتبت ربّ العلیٰ عظمت نشاں ہے
معظم ہے خدا ہی محترم ہے
مرا وردِ زباں اللہ اکبر