کر کرم تیرا سدیواں یا نبی
میں مَراں تے بھاویں جیواں یا نبی
خیر پا کے اوہنوں اُچا توں کریں
جو وی آوے ہو کے نیواں یا نبی
جھوک دل دی میں لٹائی تیرے توں
ہن کسے توں کیوں لُٹیواں یا نبی
میریاں نسلاں بنا لے نعت خواں
تیرے ہندیاں نہ پُنیواں یا نبی
توں کہویں تے ہتھ وی تیرے چُم لواں
جس گھڑی میں جام پیواں یا نبی
اتھرواں دے تحفے لے کے آ گیاں
کیہ کراں ، میں ماڑا جی واں یا نبی
نعت پڑھدا پڑھدا میں اعجازؔ مراں
نعت پڑھدا ای اُٹھیواں یا نبی
