اردوئے معلیٰ

کس زباں سے کیجیے پیارے نبی کا تذکرہ

تیرگی سے کب ہے ممکن روشنی کا تذکرہ

 

کاش مل جائیں مجھے الفاظ رنگ و نور کے

اے خدا! منظور ہے ان کی گلی کا تذکرہ

 

مصطفیٰ کی رحمتیں ان کے قریب آئیں گی کیا

جو نہیں کرتے کبھی مولا علی کا تذکرہ

 

میرے دامن میں ہے روشن خاکِ کوئے مصطفیٰ

اب کرے مہتاب اپنی چاندنی کا تذکرہ!

 

مکتبِ عشقِ نبی سے جس کو مِل جائے سبق

آئِنوں کے لب پہ رہتا ہے اُسی کا تذکرہ

 

ہوگئی ان کی عنایت میں چلا سوئے رسول

اب کرے مجھ سے نہ کوئی بے بسی کا تذکرہ

 

جس کا دامن ہو تہی نعتِ شہِ کونین سے

ہے عبث اے نورؔ ایسی شاعری کا تذکرہ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات