اردوئے معلیٰ

Search

ہم جہاں لوٹ کر نہ جا پائے

ایک دنیا تھی اس جہاں سے پرے

 

دھوپ جھیلی نہ جائے گی تم سے

ہٹ گئے ہم اگر یہاں سے پرے

 

ہم کہ نکلے مدار سے آخر

سلسلہ ہائے کہکشاں سے پرے

 

گونجتا تھا مہیب سناٹا

تیرے اس آخری بیاں سے پرے

 

تو نہیں مل سکا ، نہ ملنا تھا

آن پہنچے ہیں لامکاں سے پرے

 

وہ جو حدِ نگاہ ہے ، کیوں ہے

کیا بھلا کچھ نہیں وہاں سے پرے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ