اردوئے معلیٰ

Search

عشق کو حسن کے انداز سکھا لوں تو چلوں

منظرِ کعبہ نگاہوں میں بسا لوں تو چلوں

 

اپنے محبوبِ حقیقی کو منا لوں تو چلوں

اپنی بگڑی ہوئی ہر بات بنا لوں تو چلوں

 

کھینچتا ہے ابھی قدموں کو منافِ کعبہ

پیاس تلووں کی ابھی اور بجھا لوں تو چلوں

 

کر لوں اک بار ذرا پھر سے طوافِ کعبہ

روح کو رقص کے انداز سکھا لوں تو چلوں

 

درِ کعبہ سے پھر اک بار لپٹ کر رو لوں

اور کچھ اشک ندامت کے بہا لوں تو چلوں

 

چوم لوں بڑھ کے پھر اک بار غلافِ کعبہ

تشنگی ہونٹوں کی کچھ اور بڑھا لوں تو چلوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ