اردوئے معلیٰ

Search

آپ کے آستاں پہ جاتے ہیں

نعمتیں سب وہیں سے پاتے ہیں

 

ناتواں جاں میں جان آتی ہے

آپ قدموں میں جب بٹھاتے ہیں

 

آپ سنتے ہیں داستانِ الم

آپ کو حالِ دِل سناتے ہیں

 

آپ ہی روح و جاں کے محور ہیں

قلب میں آپ کو بساتے ہیں

 

پیاسے ہونٹوں سے جالیاں چھو کر

پیاس برسوں کی ہم بجھاتے ہیں

 

سامنے جب ہو گنبدِ خضریٰ

روتے عُشاق مُسکراتے ہیں

 

ہے مقامِ نزولِ نعت یہی

دِل کا ایواں ظفرؔ! سجاتے ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ