اردوئے معلیٰ

Search

آپ کی رف رف سواری لاجواب

شان مولا نے نکھاری لاجواب

 

تشنگی کے واسطے اصحاب کی

انگلیوں سے چشمے جاری لاجواب

 

ام معبد دیکھتی ہی رہ گئیں

آپ کی صورت وہ پیاری لاجواب

 

ایکم مثلی ترا اعلان ہے

اور تری وہ روزہ داری لاجواب

 

امن ہو یا جنگ ہیں تجھ پر فدا

چار یاروں کی وہ یاری لاجواب

 

مرتضی مشکل کشا خیبر شکن

کفر پر اک ضرب کاری لاجواب

 

مادرِ حسنین و زینب، فاطمہ

آپکے دل کی دلاری لاجواب

 

راکبِ دوشِ نبی حسنین ہیں

لاجوابوں کی سواری لاجواب

 

تاجداروں کی بھی خم گردن جہاں

تاجور کی تاج داری لاجواب

 

نعت گو مجھ کو بنایا اور یوں

قسمتِ منظرؔ نکھاری لاجواب

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ