اردوئے معلیٰ

Search

 

بہت قسمت پہ ہوں میں اپنی نازاں یا رسول اللہ

تمہارا ہے مرے ہاتھوں میں داماں یا رسول اللہ

 

خدا سے ہم کلامی کا شرف تم کو ہوا حاصل

خدا کے گھر ہوئے تم جا کے مہمان یا رسول اللہ

 

ہوا ہے اور نہ ہوگا نہ ہے ثانی دو عالم میں

کہ تم ہو بخدا محبوب یزداں رسول اللہ

 

تمہیں نائب بنا کے بھیجا ہے رب دو عالم نے

گواہی کے لیے بھیجا ہے قرآں یا رسول اللہ

 

تمہاری ذاتِ عالی اے سبحان اللہ کیا کہنا

کہ ہے شانِ خدا بھی تم پہ قرباں یا رسول اللہ

 

خدارا پار کرو میرا بیڑا بحرِ عصیاں سے

مری کشتی کے تم ہی ہو نگہباں یا رسول اللہ

 

اسے کون ومکاں میں موت آئے ہو نہیں سکتا

تمہارا عشق ہو جس کی رگِ جاں یا رسول اللہ

 

سلامی دینے آتے ہیں مَلک بھی جانبِ حق سے

قسم اللہ کی ہو شاہِ ذی شاں یا رسول اللہ

 

یہ میرا ہے شفیق اس کا میں ہوں محشر میں کہہ دینا

کہ میری لاج رکھنا پیشِ یزداں یا رسول اللہ

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ