اردوئے معلیٰ

Search

بے دلی کا کوئی توڑ ، ائے وحشتو؟

کچھ مداوائے یکسانیت ، شاعری ؟

 

ترمروں کے سوا کچھ بدلتا نہیں

دشتِ بے شکل کی اف یہ کم منظری

 

کچھ رفُو ہے کہیں ؟ چاکِ دل کے لیے

کانچ کے خواب کی کوئی شیشہ گری؟

 

کوئی جنبش نہیں شوقِ پامال میں

سانس کا زیر و بم ، نہ کوئی جھرجھری

 

نارساء اب کسی دوش کا آسرا

نا میسر کسی لمس کی رہبری

 

مطمئن ہے دلِ کم سخن مرگ پر

کوئی ماتم نہیں اب نہ نوحہ گری

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ