اردوئے معلیٰ

Search

تاجدار ولایت ہیں خواجہ حسن

عظمتوں کی علامت ہیں خواجہ حسن

 

کون پوچھے جو خالی ملے عکس سے

آئینے کی ضرورت ہیں خواجہ حسن

 

سب سے پہلے تہی دامنوں کو بھریں

صدر بزم عنایت ہیں خواجہ حسن

 

اس لیے میں کوئی فکر کرتا نہیں

رکھے دست حمایت ہیں خواجہ حسن

 

مہربانی کرو تم بھی بہر خدا

چاہتے ہم زیارت ہیں خواجہ حسن

 

خاک در کو بنائے ہیں سرمہ سبھی

جتنے اہل عقیدت ہیں خواجہ حسن

 

آئینہ لغزشوں کا ہماری ہے ذات

اور سراسر مروت ہیں خواجہ حسن

 

جس کو سجدہ کریں میری بیتابیاں

دل میں بیٹھی وہ مورت ہیں خواجہ حسن

 

راہ عشق نبی پر انہیں ڈال دو

جتنے اہل شرارت ہیں خواجہ حسن

 

پرچم عشق و الفت اٹھائے ہوئے

ہم تمہاری بدولت ہیں خواجہ حسن

 

پوچھ لو تم خیالوں سے اپنے مجیبؔ

ذہن و دل کی طہارت ہیں خواجہ حسن

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ