اردوئے معلیٰ

Search

حاضری بارِ دگر ہو جائے گی

دیکھنا اُن کی نظر ہو جائے گی

 

وصل کی اجلی سحر ہونے کو ہے

ہجر کی شب مختصر ہو جائے گی

 

حالِ دل کہنے سے، یکسر بیشتر

میرے آقا کو خبر ہو جائے گی

 

زندگی وہ زندگی ہو گی، کہ بس

کوئے جاناں میں بسر ہو جائے گی

 

آپ کا رخ حشر میں ہوگا جدھر

رب کی رحمت بھی اُدھر ہو جائے گی

 

آپ کے نعلین کی طلعت ملے

یہ جبیں رشکِ قمر ہو جائے گی

 

پڑ رہو مقصودؔ اُن کے شہر میں

زیست ورنہ در بدر ہو جائے گی

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ