اردوئے معلیٰ

Search

خدا کے سامنے سر کو جھکا دو

اذاں سلطانِ جابر کو سنا دو

 

رواں ہوں قافلے کعبہ کی جانب

صنم جو راستا روکیں گرا دو

 

منافق جو تمھارے درمیاں ہیں

نشاں تم اُن کو عبرت کا بنا دو

 

کوئی خائن ہو غاصب حکمراں ہو

اُسے تم جاہ و منصب سے ہٹا دو

 

ملے راہی جو کوئی بھولا بھٹکا

صراطِ مستقیم اُس کو دکھا دو

 

خدا سے ہر کسی کی خیر مانگو

دعا مانگو، کبھی نہ بددعا دو

 

ظفرؔ مانگے خدا سے گڑ گڑا کر

خدا را عشقِ محبوبِ خدا دو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ