اردوئے معلیٰ

Search

خُداوندِ مکان و لا مکاں ہے

خُداوندِ زمین و آسماں ہے

 

خُداوندِ جہاں، رازِ نہاں ہے

حبیبِ کبریا، بس راز داں ہے

 

یہاں ہر چیز فانی، آنی جانی

خُدا کی ذات قائم، جاوداں ہے

 

فضا و بحر و بر، ابر رواں میں

خُدا کا ذِکر جاری ہے، عیاں ہے

 

خُدا کے ذِکر سے سانسیں رواں ہیں

خُدا کی یاد سے ہی جاں میں جاں ہے

 

خُدا کی عظمتوں کا مُعترف میں

مرا سوزِ درُوں، قلبِ تپاں ہے

 

ظفرؔ یاں سر خمیدہ، دم کشیدہ

یہ بیت اللہ، عظمت کا جہاں ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ