رب کا کرم ہے اور یہ فیضانِ نعت ہے
اہلِ قلم کے دِل میں جو عِرفانِ نعت ہے
میرے نبی کی سیرتِ کامِل کے فیض سے
’’ہر شعبہء حیات میں اِمکانِ نعت ہے‘‘
ہے عظمتِ رسول کا اِظہار جا بجا
قُرآن کیا ہے؟ دعوت و اعلانِ نعت ہے
رب کے نبی سا کوئی نہیں دو جہان میں
ایمان کی اساس بھی عِرفانِ نعت ہے
امن و سکون و رحمت و بخشش کے ساتھ، ساتھ
پیہم عطا کا سلسلہ دورانِ نعت ہے
آقا کی اُلفتوں کا خزینہ ہے، خوب ہے
عُنوانِ ’’م‘‘ سے جو یہ دِیوانِ نعت ہے
اِس واسطے کرم کی سَنَد مِل گئی رضاؔ
گٹھڑی میں صرف میری جو سامانِ نعت ہے