اردوئے معلیٰ

Search

سید ابرار کی الفت بسا کر دیکھ لو

شمع عشق مصطفیٰ دل میں جلا کر دیکھ لو

 

آئیں گیں گھر میں تمھارے برکتیں اور رحمتیں

صاحب لولاک کی محفل سجا کر دیکھ لو

 

کامیاب و کامراں دنیا میں ہونا ہے اگر

نعل پاک مصطفیٰ سر پر اٹھا کر دیکھ لو

 

چاہتے ہو تم اگر چین و سکوں کی دولتیں

سید کون و مکاں سے دل لگا کر دیکھ لو

 

ہر پریشانی سے تم کو مل ہی جائے گی نجات

سنت سرکار پر خود کو چلا کر دیکھ لو

 

دشمنوں سے کہ رہے تھے کربلا میں یہ حسینؓ

ڈر نہیں لگتا مجھے اب آزما کر دیکھ لو

 

کامیابی دین و دنیا کی تمہیں مل جائے گی

پاؤں ماں اور باپ کے فیصلؔ دبا کر دیکھ لو

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ