اردوئے معلیٰ

Search

کبھی وہ وقت نہ آئے جو تجھ کو راس نہ ھو

خُدا کرے کہ ترا دِل کبھی اُداس نہ ھو

 

رھے نہ تشنۂ تعبیر کوئی خواب ترا

کوئی کسک نہ ھو ، کوئی ادھوری آس نہ ھو

 

ھمیشہ لُطف و طرب ترے اِرد گرد رھیں

کوئی بھی لمحۂ غم تیرے آس پاس نہ ھو

 

تری دُعاوں پہ برسے قبولیت کی پھوار

تری بڑی بڑی آنکھوں میں کوئی یاس نہ ھو

 

خُدا کرے کہ تری زندگی سے دُور رھے

ھر ایسا شخص کہ جو تیرا غم شناس نہ ھو

 

تری جبیں پہ سدا مہربان نُور رھے

اندھیرا تیری نظر سے ھمیشہ دور رھے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ