اردوئے معلیٰ

Search

میرے مالک یہ تجھ سے دعا ہے

تجھ سے میری یہی التجا ہے

 

دل کو تو میرے پاکیزہ کر دے

علم کا نور سینے میں بھر دے

 

تو بچا لے برائی سے مجھ کو

دے محبت بھلائی سے مجھ کو

 

راستہ مجھ کو سیدھا بتا دے

ہر غلط راستے سے بچا لے

 

دور رکھ مجھ کو بغض و حسد سے

دور رکھ مجھ کو ہر فعلِ بد سے

 

پڑھنے لکھنے کی دے مجھ کو طاقت

تاکہ رکھوں کتابوں سے الفت

 

دوں غریبوں کو ہر دم سہارا

اور ٹوٹے دلوں کو دلاسا

 

اپنے ماں باپ سے رکھوں چاہت

دے ہدایت کروں ان کی خدمت

 

حکم استاد کا اپنے مانوں

سب بزرگوں کو میں دل سے چاہوں

 

میرے داتا کرم اتنا کر دے

میری جھولی مرادوں سے بھر دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ