وہ ورائے مکاں ماورائے گماں
ہر کسی کی صدا ہے وہی حکمراں
حمدِ لا حد کہوں اس کی ہر ہر گھڑی
مہکا مہکا اسی سے ہے سارا سماں
مالک و مولا وہ ہے وہی ہے احد
حکم اس کا رواں ہے کراں سے کراں
وہ احد ، وہ صمد ، اس کی حمدِ لا حد
اس کا ہم سر کہاں وہ ہے ہرسے کلاں
مالکِ کُل وہی اور وہی ہے الٰہ
اس لئے اسم اس کا ہے وردِ لساں
روگ کا ، درد کا ، سارے دکھوں کا رد
آسرا ہے اُسی کا اُسی کی اماں
سائلِ لا دوا کو عطا ہو کرم
درد سے دور حاصل ہو عمرِ رواں