اردوئے معلیٰ

Search

کھڑے ہیں مجھکو خریدار دیکھنے کے لیے

میں گھر سے نکلا تھا بازار دیکھنے کے لیے

 

ہزاروں بار ہزاروں کی سمت دیکھتے ہیں

ترس گئے تجھے ایک بار دیکھنے کے لیے

 

قطار میں کئی نابینا لوگ شامل ہیں

امیر شہر کا دربار دیکھنے کے لئے

 

جگائے رکھتا ہوں سورج کو اپنی پلکوں پر

زمیں کو خواب سے بے دار دیکھنے کے لئے

 

عجیب شخص ہے لیتا ہے جگنوؤں سے خراج

شرابوں کو اپنی چمکدار دیکھنے کے لئے

 

ہر ایک حرف سے چنگاریاں نکلتی ہیں

کلیجہ چاہیے اخبار دیکھنے کے لئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ