اردوئے معلیٰ

Search

ہر گھڑی، ہر دَم عطا ہے آئیے طیبہ چلیں

بابِ رحمت جو کُھلا ہے آئیے طیبہ چلیں

 

سب کی سُنتے ہیں، مدد کرتے ہیں شاہِ انبیاء

واں کرم کی اِنتہا ہے آئیے طیبہ چلیں

 

ہیں ملائک دَر ملائک پیشِ محبوبِ خدا

اور درودوں کی صدا ہے آئیے طیبہ چلیں

 

رَشکِ خورشید و قمر ذرّہ مدینے پاک کا

نور کی محفل بپا ہے آئیے طیبہ چلیں

 

گُنبدِ خضریٰ پہ نورانی نظارے دیکھنے

جن کے دِل میں وَلولہ ہے آئیے طیبہ چلیں

 

آنکھ نَم ہے، جوش دِل میں، لب پہ ہے ذِکرِ نبی

کیا رضاؔ بھی جھومتا ہے آئیے طیبہ چلیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ