اردوئے معلیٰ

Search

ہمیشہ قریۂ اُمّی لقب میں رہتے ہیں

جہاں کہیں بھی ہوں حدِ ادب میں رہتے ہیں

 

ازل کے دن سے ہیں تیرے غلام ابنِ غلام

غرورِ نسبت و فخرِ نسب میں رہتے ہیں

 

سوادِ روح میں صلِ علیٰ کی خوشبو ہے

ثنا کے حرف جو دامانِ لب میں رہتے ہیں

 

گدازِ نعت، بشر دوستی سکھاتا ہے

ہر ایک شخص سے ملتے ہیں سب میں رہتے ہیں

 

نوازتا ہے وہ شہریت اپنے قریہ کی

عجم نژاد، دیارِ عرب میں رہتے ہیں

 

ریاض ان کو ہی ملتا ہے حاضری کا شرف

جو ان کی یاد، جو ان کی طلب میں رہتے ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ