عجب سی بیقراری ہے، مرے آنسو نہیں تھمتے خدا کا ذکر یادِ مصطفیٰ باہم ظفر میں نے دل و جاں میں اُتاری ہے، مرے آنسو نہیں تھمتے

خدا معبود ہے، حاجت روا ہے خدا ہی قائم و دائم سدا ہے ظفرؔ سے بیکسوں کا آسرا ہے

خدا تک ہو گئی اُس کی رسائی عطا اُس کو ہوئی مشکل کشائی ظفرؔ دیکھو تو جُودِ کبریائی

فضاؤں میں سمندر، کوہ و بن میں خدا موجود خلوت، انجمن میں ظفرؔ کے قلب و جاں، روح و بدن میں

خدا کے حکم سے ہی گلفشاں ہر گلستاں ہے خدا کے نور کا پرتو دمکتی کہکشاں ہے خدا کے نُور پر قرباں مرا دِل جسم و جاں ہے

خدا عشاق کے دل میں نہاں ہے خدا ہر ایک ذرّے میں عیاں ہے خدا لطف و کرم کا سائباں ہے

خدا سارے جہانوں کا خدا ہے خدا آتا ہے خود مہمان بن کر خدا سب میزبانوں کا خدا ہے

نہ ڈالے آزمائش، امتحاں میں نہ ڈر تشکیک میں، وہم و گماں میں رہے موجود میرے قلب و جاں میں

مکرم ہے معظم، محتشم ہے خدا ستار بھی غفار بھی ہے ظفرؔ کا وہ سدا رکھتا بھرم ہے

سمندر ایک قطرے کو بنائے خدا محفوظ رکھے حاسدوں سے خدا اشرار کے شر سے بچائے