جمالِ دل براں پرتو خدا کا بہارِ گلستاں پرتو خدا کا ظفرؔ حُسنِ زماں پرتو خدا کا

بڑی مشکل میں انساں ہے، خدائے مہرباں امداد فرما پسارا ہم نے داماں ہے، خدائے مہرباں امداد فرما ظفرؔ گریاں و نالاں ہے، خدائے مہرباں امداد فرما

سبھی افلاک سے وہ ماوراء ہے ظفرؔ ڈھونڈھو خدا کو دل میں اپنے شعور ادراک سے وہ ماوراء ہے

محمد رحمۃ اللعالمیں ہیں خدا داتا ہے اَور قاسم محمد ظفرؔ دونوں کے در کے خوشہ چیں ہیں

خدائے ہر زماں سب کا خدا ہے خدائے اِنس و جاں سب کا خدا ہے خدا ہی بے گماں سب کا خدا ہے

خدا ہی خالقِ ارض و سما ہے وہی مختارِ کل، فرمانروا ہے وہی حاجت روا، مشکل کشا ہے

درخشندہ سبھی کون و مکاں ہیں منور نُور سے ہی جسم و جاں ہیں ظفرؔ عشاق کے قلبِ تپاں ہیں