بعد مُردن بر مزارش کور بینا می شود ہر وہ شخص کہ جسے (بجائے دوسروں کے عیب دیکھنے کے) اپنے عیب اور اپنی خامیاں دیکھنے کی توفیق دے دی گئی، مرنے کے بعد اُس کے مزار پر اندھے بھی دیکھنے والے بن جاتے ہیں۔ یعنی دوسروں کو بھی اپنے اپنے عیب دیکھنے کی توفیق مل […]

ور بکمانِ ابرواں، تیر زنی نشانہ ام اگر تُو (لطف و عنایت سے) اپنے غلاموں کی قطار میں مجھے جگہ دے تو میں (ہاتھ باندھے) کھڑا ہوں، اور اگر (جور و جفا سے) تُو اپنے ابروؤں کی کمان سے تیر چلائے تو میں نشانہ بنا کھڑا ہوں

حیف نباشد کہ دوست، دوست تر از جانِ ماست اگر وصلِ دوست کی طلب میں ہماری جان بھی چلی جائے تو کوئی دکھ کوئی افسوس نہیں کہ دوست، ہماری جان سے بھی دوست تر ہے

ہر کہ او را غم آں است کہ بر دار کنند وہ شخص انا الحق کے اسرار سے کیسے بھی واقف ہو سکتا ہے کہ جسے بس غم (اور ڈر) ہی یہی ہے کہ (ہر انا الحق کہنے والے کو) سُولی پر لٹکا دیتے ہیں

نہ در معمورہ می خندد، نہ در ویرانہ می گرید وہ کہ جو عقل اور جنون کی وادی (تضادات کی دنیا) سے اپنے آپ کو باہر کھینچ لاتا ہے وہ پھر نہ آبادیوں میں ہنستا ہے اور نہ ہی ویرانوں میں روتا ہے، اس کے لیے سب کچھ ایک برابر ہو جاتا ہے

چہ زندگی کہ غمم ہست و غمگسارم نیست کیا عالم ہے کہ دل تو ہے لیکن کوئی دلنواز نہیں ہے۔ کیسی زندگی ہے کہ مجھے غم تو ہیں لیکن میرا کوئی غمگسار نہیں ہے

ابرو کشادہ باش چو دستت کشادہ نیست اگر تُو کوئی گرہ کھول نہیں سکتا (کوئی مسئلہ حل نہیں کر سکتا) تو خود ہی گرہ (مسئلہ) مت بن جا، اگر تیرا ہاتھ کشادہ نہیں ہے تو کم از کم کشادہ ابرو (خندہ پیشانی) والا ہی بن جا

بیا بیا کہ ز شمعِ رُخَت برافروزم میری راحت و خوشی و سرور نشاط کا چراغ تیرے ہجر کی تند و تیز ہوا سے بجھ گیا، آجا آجا کہ میں تیرے چہرے کی شمع سے اِس چراغ کو (پھر سے) روشن کر لوں