دل ناامید تو نہیں ناکام ہی تو ہے
دل نا امید تو نہیں ناکام ہی تو ہے لمبی ہے غم کی شام مگر شام ہی تو ہے
Category: شاعری
دل نے مانی نہیں مری ورنہ
میں تجھے بھولنے کے حق میں تھا
دل وہ درویش کہ آنکھ اٹھاتا ہی نہیں
اسکی دہلیز پہ سو اہلِ کرم آتے ہیں
دل کو تم شوق سے لے جاؤ مگر یاد رہے
یہ نہ میرا نہ تمہارا نہ کسی کا ہوگا
دل کو دل سے سے راہ ہوتی ہے، ہے غلط ہے یہ مثل
ہم نے جس سے کی محبت اس کو نفرت ہوگئی
دل کو عُشّاق کے ایسا کیا ویراں ظالم
مُدّت اب چاہیئے اس شہر کو بستے بستے
دل کی حسرت نہ رہی دل میں مرے کچھ باقی
ایک ہی تیغ لگا ایسی اے جلاد کہ بس
دل کی ویرانی کا کیا مذکور ہے
یہ نگر سو مرتبہ لوٹا گیا
دونوں طرح سے موت ہے یارب میں کیا کروں
قبضہ میں آئے یار نا قابو میں آئے دل
ستم کے دور میں ہم اہلِ دل ہی کام آۓ
زباں پہ ناز تھا جن کو، وہ بے زباں نکلے