اردوئے معلیٰ

Search

حرف نادم ہوئے بیاں ہوکر

راز حیران ہیں عیاں ہو کر

 

دھند آنکھوں میں آن اتری ہے

دید اڑنے لگی دھواں ہو کر

 

میں تری ذات سے نہیں نکل پایا

تو نہیں چھپ سکا نہاں ہو کر

 

میں نہیں اب کسی گمان میں بھی

میں کہ اب رہ گیا گماں ہو کر

 

میرا ہم عمر اک بڑھاپا بھی

میرے ہمراہ ہے جواں ہو کر

 

ایک کردار کی تلاش میں میں

رہ گیا آپ داستاں ہو کر

 

کیا کروں جب مکان بھی کجھ سے

پیش آتا ہے لامکاں ہو کر

 

میں چلو خاک زاد ہوں، پر تم

مطمئن ہو نہ آسماں ہو کر

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ