اردوئے معلیٰ

Search

جہاں پہ سر تھا کبھی اب ہے سنگِ در کا نشاں

اب اس سے بڑھ کے ترے سجدہ ریز کیا کرتے

 

عذاب یہ ہے کہ رستے میں خود ہی پڑتے تھے

اب اپنے آپ سے آخر گریز کیا کرتے

 

سلگ رہے ہیں سرِ راہِ شوق ، نقشِ قدم

ہم اپنی چال بھلا اور تیز کیا کرتے

 

کِھلے نہیں تھے کہ نظروں میں آ گئے غم کے

تمہاری زلف کو ہم عطر بیز کیا کرتے

 

یہ بدنصیب دلِ سرد ہی نہیں پگھلا

تمہارے عشوہِ جذبات خیز کیا کرتے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ