اردوئے معلیٰ

مجھے ہے نعت سے جیسے محبت یا رسول اللہ

مرے بچوں کو بھی ہو ایسی رغبت یا رسول اللہ

 

سبھی کو جستجو ہے آپ کے نقشِ کفِ پا کی

پڑی ہے آپ کے رستے میں خلقت یا رسول اللہ

 

نہیں تفریق کرتے ہیں کبھی اپنے پرائے میں

سبھی پر آپ فرماتے ہیں شفقت یا رسول اللہ

 

سبب اسوۂ حسنہ سے الگ ہونا ہمارا ہے

اُٹھی جاتی ہے دنیا سے جو برکت یا رسول اللہ

 

زمانے نے جو دیکھی آپ کی ذاتِ مبارک میں

گُلوں نے بھی نہیں پائی وہ نکہت یا رسول اللہ

 

کرم ہے ہر گھڑی اس پر بہاریں ہی بہاریں ہیں

درودوں کی بنائی جس نے عادت یا رسول اللہ

 

تمھارے ہجر میں رونے سے جھڑتے ہیں گنہ میرے

مجھے ہے ایسے رونے میں سہولت یا رسول اللہ

 

بُلا کے مجھ کو روضے پر گداؤں میں کیا شامل

بڑھا دی آپ نے میری بھی وقعت یا رسول اللہ

 

یونہی چلتی رہے نسلِ فدا راہِ ہدایت پر

قیامت تک کرے ایسے اطاعت یا رسول اللہ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات