اردوئے معلیٰ

Search

جو بھی آقا کے در پہ جائے گا

خالی دامن کبھی نہ آئے گا

 

عشق کرتا ہے تو بلالیؓ کر

عظمتیں دو جہاں کی پائے گا

 

صدقِ صدیقؓ کی مثال کوئی

اب زمانے کہاں سے لائے گا

 

عمرؓ فاروق کا زمانے میں

عدل کوئی بھی کر نہ پائے گا

 

شہرہ عثمانؓ کی سخاوت کا

چاہِ عثماں ہمیں بتائے گا

 

نام مولٰی علیؓ کا سنتے ہی

لرزہ خیبر تو اب بھی کھائے گا

 

وارثیؔ جا کے در پہ آقا کے

داستانِ الم سنائے گا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ