اردوئے معلیٰ

ہے لب پہ صبح و مسا , لا الہ الا اللہ

ہے لب پہ صبح و مسا , لا الہ الا اللہ

ہے بہترین دعا , لا الہ الا اللہ

 

اساس دین خدا لا الہ الا اللہ

ضمیر و دل کی صدا , لا الہ الا اللہ

 

قسم خدا کی ہر اک دور بت پرستی میں

بنا ہے راہنما , لا الہ الا اللہ

 

وہ دو جہان میں فوز و فلاح پائے گا

کہ جس نے دل سے کہا , لا الہ الا اللہ

 

فنا پذیر ہے ہر شے جہان ہستی کی

جسے ہے صرف بقا , لا الہ الا اللہ

 

کوئی بلال سے پوچھے احد احد کا مزہ

ہے جام عبد خدا , لا الہ الا اللہ

 

کتاب کرب و بلا کے ہر ایک صفحے پر

لہو سے شہ نے لکھا , لا الہ الا اللہ

 

اسے بجھانے کی کوشش کی لاکھ باطل نے

نہ بجھ سکا یہ دیا , لا الہ الا اللہ

 

یہی ہے خواہش نوری کہ جب قضا آئے

کہ ہو زباں سے ادا , لا الہ الا اللہ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ