دنیا سے نبھانے کا سلیقہ بھی ہے مجھ میں
اور پیش نظر رہتا ہے ہر دم مرے گھر بھی
Author: admin
تخیل کی، تصور کی، تغزل کی، تاثر کی
غزل کے نرم لہجے میں سخن کی بات کی جائے
یہ اور بات کہ میں اُس کی ماتحت نہ رہی
مگر تھا ناز مجھے اس کی حکمرانی پر
انا کے کانچ کو ٹھوکر سے چُور کرتے ہوئے
رواں ہوں رشتوں کے دریا عبور کرتے ہوئے
اپنے احساس کو دھڑکن میں چھپاتی ہوئی میں
اپنے ہر کرب کو سینے سے لگاتی ہوئی میں جگنو امید کے آنچل میں سرِ شام لیے گھر کی چوکھٹ پہ نئے دیپ جلاتی ہوئی میں
حقیقتوں پر نظر نہیں ہے ، کوئی خبر معتبر نہیں ہے
کنیز تحریر ہو گئی ہے ، خوشامدانہ صحافتیں ہیں
تمام عکس حسیں خود بخود نہیں اس کے
اس آئینے میں کہیں پر مرا کمال بھی ہے
نیند شب میں بھٹک گئی ہے کیا
کوئی خوشبو مہک گئی ہے کیا خون دل قطرہ قطرہ گرتا ہے چشم پُرنم چھلک گئی ہے کیا
تری خوشبو مری روح میں دَر آئی ہے
پھول کی پتی پہ شبنم سی اُتر آئی ہے شب کی تنہائی میں یادوں کی ہے سرگوشی سی گھپ اندھیرے میں دبے پاؤں سحر آئی ہے
تمہارے دیدار کی طلب میں دعا میں میری اثر نہ آئے
کسی نے کیسی یہ بد دعا دی کہ شاخِ گل پر ثمر نہ آئے